अष्टमः खण्डः

मद्गुष्टे पादं वक्तेति स ह श्वोभूते गा अभिप्रस्थापयाञ्चकार ता यत्राभि
सायं बभूवुस्तत्राग्निमुपसमाधाय गा उपरुध्य समिधमाधाय पश्चादग्नेः
प्राङुपोपविवेश ॥ १ ॥

madguṣṭe pādaṃ vakteti sa ha śvobhūte gā abhiprasthāpayāñcakāra tā yatrābhi
sāyaṃ babhūvustatrāgnimupasamādhāya gā uparudhya samidhamādhāya paścādagneḥ
prāṅupopaviveśa || 1 ||

तं मद्गुरुपनिपत्याभ्युवाद सत्यकाम३ इति भगव इति ह प्रतिशुश्राव ॥ २ ॥

taṃ madgurupanipatyābhyuvāda satyakāma3 iti bhagava iti ha pratiśuśrāva || 2 ||

ब्रह्मणः सोम्य ते पादं ब्रवाणीति ब्रवीतु मे भगवानिति तस्मै होवाच प्राणः
कला चक्षुः कला श्रोत्रं कला मनः कलैष वै सोम्य चतुष्कलः पादो ब्रह्मण
आयतनवान्नाम ॥ ३ ॥

brahmaṇaḥ somya te pādaṃ bravāṇīti bravītu me bhagavāniti tasmai hovāca prāṇaḥ
kalā cakṣuḥ kalā śrotraṃ kalā manaḥ kalaiṣa vai somya catuṣkalaḥ pādo brahmaṇa
āyatanavānnāma || 3 ||

स य एतमेवं विद्वाꣳश्चतुष्कलं पादं ब्रह्मण आयतनवानित्युपास्त
आयतनवानस्मिंल्लोके भवत्यायतनवतो ह लोकाञ्जयति य
एतमेवं विद्वाꣳश्चतुष्कलं पादं ब्रह्मण आयतनवानित्युपास्ते ॥ ४ ॥

sa ya etamevaṃ vidvām̐ścatuṣkalaṃ pādaṃ brahmaṇa āyatanavānityupāsta
āyatanavānasmiṃlloke bhavatyāyatanavato ha lokāñjayati ya
etamevaṃ vidvām̐ścatuṣkalaṃ pādaṃ brahmaṇa āyatanavānityupāste || 4 ||

इति अष्टमखण्डभाष्यम् ॥

iti aṣṭamakhaṇḍabhāṣyam ||